Ысык-Көл облусунда чек арачылар Кыргызстандын мамлекеттик чек арасынын эң татаал тилкелеринин биринде — бийик тоолуу шартта, катаал климатта жана алыскы аралыктарда кызмат өтөшүүдө.
УКМКнын Чек ара кызматынын Ысык-Көл облусу боюнча башкармалыгы өлкөнүн Казакстан жана Кытай менен болгон чек араларынын коопсуздугун камсыздайт. Бул жерде кызмат өтөө экстремалдык шарттарда өтөт: катуу шамал, аба ырайынын кескин өзгөрүшү жана барууга кыйын болгон жерлер аскер кызматчыларынан жогорку чыдамкайлыкты, кесипкөйлүктү жана мекенге болгон берилгендикти талап кылат.
Сүрөт баян бийик тоолуу шартта чыныгы кызмат жана өлкө коопсуздугун күзөткөн инсандар тууралуу баяндайт.
