Ысык-Көл районунун тургунунун үйүндө 11 килограмм марихуана табылды. Бул тууралуу ИИМден маалымдашты.
Маалыматка ылайык, Ысык-Көл районунун аймагында “Куба” аттуу жаран баӊгизатын ири өлчөмдө чогултуп, аларды сатуу максатында сактап жүргөндүгү тууралуу ыкчам маалымат келип түшкөн. Алынган маалыматты текшерүү үчүн Ысык-Көл РИИБде катталып, маалыматтагы адамды аныктоо боюнча башкармалыктын кызматкерлери тарабынан тергөө ыкчам иш-чараларын жүргүзүүдө, ал Ысык-Көл районунун тургуну 1977-жылы туулган Д.К.Т. экендиги аныкталган.
Анын кылмыштуу ишмердүүлүгүн аныктап, жоопко тартуу максатында кылмыш иши козголгон.
«Кылмыш ишинин алкагында жашаган дарегинде тергөө амалдарын жүргүзүүдө үйдүн ичинен жатуучу бөлмөдөн бир даана капка жана 1 даана кара түстөгү баштыка салынган өзгөчө жыты бар зат алынып, соттук химиялык экспертизанын корутундусуна ылайык салмагы 11 кг. 095 гр. түзгөн марихуана жана анын чаӊын түшүрүү үчүн дайындалган чүпүрөк-торчо табылып алынган» — деп айтылат маалыматта.
