Ысык-Көлдө жүргүзүп келген рейдтик иштердин жүрүшүндө 4 мыйзамсыз балык уулоо фактысы аныкталды. Бул тууралуу Ысык-Көл ОИИБден билдиришти.
Териштирүү жана текшерүү учурунда кармалган браконьерлерден 1 даана үйлөмө кайык, 88 даана чабак, 12 даана форель, 6 даана судак, жана 28 даана сига балыктары табылган. Аталган фактылар Түп районун Кудургу айылынын аймагындагы көл булуңунда, Жети-Өгүз районуна караштуу Ак-Дөбө, Тамга жана Ысык-Көл районуна караштуу Семеновка айылдарынын көл жээктеринен аныкталган.
Аталган факты боюнча кылмыш иши козголгон.
