Ысык-Көлдө жергиликтүү тургун курал-жарак жана ок-дарыларды мыйзамсыз сактап жүргөн. Бул тууралуу облустук милициядан билдиришти.
Ыкчам-иликтөө иш-чаралары жүргүзүлүп, шектүүнүн өздүгү аныкталган. Ал Чолпон-Ата шаарынын 1960-жылы туулган И. Р. аттуу тургуну болуп чыккан. Анын турак жайына мыйзамдуу тинтүү жүргүзүлгөн.
Жыйынтыгында мыйзамсыз сакталып жаткан 16-калибрдеги кош ооз мылтык, ТОЗ-16 үлгүсүндөгү сайлуу ок атуучу курал жана 22 даана 5,6 калибрдеги ок дарылар табылып, далил зат катары алынган. Алынган курал жарактар жана ок даарылар соттук-баллистикалык экспертизага жиберилген.
Тинтүүдө алынган ок атуучу куралдар жана ок-дарлар жарактуу экени аныкталган. Алдын ала суракта шектүү өз күнөөсүн толугу менен мойнуна алган.
