Ысык-Көлдө жергиликтүү тургунду опузалап талап кылууга шектелип мурда соттолгон жаран кармалды. Бул тууралуу ИИМден билдиришти.
Маалыматка ылайык, милицияга жаран опузалап талап кылуу фактысы боюнча чара көрүү өтүнүчү менен кайрылган. Өткөн жылдын күзүндө мурда соттолгон жарандар айыл тургунунун сарайына келип, акча жана мүлк талап кылып, бычак менен коркутуп жүрүшкөн. Алар опузалап атын дагы тартып алган.
Ири өлчөмдө зыян келтирген 1987-жылы туулган жаран кармалды. Ал бир нече жолу соттолгон жана мурда жасаган кылмыштары үчүн жазасын өтөп жатканы белгилүү болду.
Тергөө амалдары жүрүп жатат.