Балыкчы ШИИБнин Коомдук коопсуздук кызматы Грин Сити деп аталган шаардык пляждын жаңы пирсинин аймагында коопсуздукту жана укук тартибин сактоо боюнча комплекстүү иш-чаралар башталганын билдирди.

Эс алуучулар жана шаар тургундары үчүн ыңгайлуу жана коопсуз чөйрөнү түзүү максатында коомдук коопсуздук кызматынын кызматкерлери пирсте жана ага чектеш аймактарда үзгүлтүксүз патрулдук жана көзөмөлдү жүзөгө ашырууда. Бул иш-чаралардын алкагында эскертүү белгилерин жайгаштыруу жана кошумча коопсуздук чараларын белгилөө каралган.

Кызматкерлердин негизги милдеттери укук бузуулардын алдын алуу, тартипти камсыз кылуу, ошондой эле ар кандай өзгөчө кырдаалдарга ыкчам чара көрүү болуп саналат. Жээктеги коопсуздуктун жалпы деңгээлин жогорулатуу үчүн жергиликтүү тургундар жана эс алуучулар менен өз ара аракеттенүү маанилүү.

«Биз жергиликтүү тургундар жана коноктор үчүн коопсуз жана ыңгайлуу эс алуунун маанилүүлүгүнбилебиз жана баалу, ошондуктан Грин Сити жаңы пирсинде тартипти камсыз кылуу үчүн бардык зарыл чараларды көрүп жатабыз», — деп белгиледи Балыкчы ШИИБдин башчысынын орун басары милициянын подполковниги Абыканов Жеңишбек.

Коомдук коопсуздук бардык эс алуучуларды пляждын аймагында жүрүм-турум эрежелерин сактоого жана укук коргоо органдарынын көрсөтмөлөрүн аткарууга чакырат. Өзгөчө кырдаалдар пайда болгон учурда тургундар жана коноктор жеринде иштеген кызматкерлерге кайрылып же ИИОнун нөөмөт бөлүмүнө чалса болот.