Иван Поддубныйдын балбандар лигасынын (PWL – 3) кезектеги мелдешинде Кыргызстандык балбан Үзүр Жусупбеков россиялык Александр Головинди жеңди.
Жузупбеков грек-рим күрөшүнүн 97 кг салмакта Европа чемпионатынын байге ээси Александр Головинге каршы килемге чыкты. Жусупбеков атаандашын көтөрүп чаап, эсепти 3:3кө өзгөрттү. Кыргызстандык балбан акыркы упайды алганы үчүн жеңиш ага ыйгарылды.
Мелдеш бүгүн, 20-декабрда Бишкектеги Каба уулу Кожомкул атындагы спорт ордосунда өттү. Аталган мелдеште 10дон ашык өлкөдөн балбандар келип күчүн сыноодо.