Хорватиядагы Zagreb Open эл аралык рейтингдик мелдешке катыша турган Айсулуу Тыныбекова менен Айпери Медет кызынын атаандаштары белгилүү болду. Бул тууралуу Бириккен күрөш дүйнөсүнүн (UWW) сайтында жарыяланды.
Маалыматка ылайык, мелдеш 1-5-февралда Загреб шаарында өтүүдө.
Айсулуу кыз-келиндер күрөшү боюнча 62 кг салмакта мелдештин тандоо турунан баштап катышат. Анын алгачкы атаандашы кытайлык Сяоцзюнь Луо болот. Ал буга чейин Азиянын эки жолку чемпиону (2015, 2019-жылдары) болгон. Ал эми, беттеш 3-февралда Бишкек убактысы менен саат 15:00дө башталат.
4-февралда Айпери Медет кызы 76 кг салмакта мелдештин 1/8 финалынан баштап күчүн сынайт. Ал индиялык Киран аттуу кыз менен килем үстүнө чыгат. Беттеш Бишкек убактысы менен саат 15:00дө башталат.