Бухара облусунун Каракөл районунда милиция кызматкерлери көчөдөн жаңы төрөлгөн ымыркай оролгон жашыл баштык таап алышкан. Бул тууралуу Podrobno.uz жазып чыкты.
Маалыматка ылайык, окуя 8-августта саат 01:30дар чамасында болгон. Тартип сактоочулар оорукананын имаратынын жанынан баланын ыйын угушкан. Айлана-чөйрөнү текшере баштап, жашыл баштыкка салынган ымыркайды таап алышкан.
Баланы жакын жердеги оорукананын балдар бөлүмүнө алып барып, ага керектүү жардам көрсөтүлгөн.
Иликтөө иштери башталып, 4-август күнү 28 жаштагы келин бул ымыркайды дарыгерлердин жардамысыз төрөп, андан соң ымыркайдан кутулууну чечкени белгилүү болгон.
Учурда тергөө иш-чаралары жүргүзүлүүдө.
