9-декабрда Өзбекстандын президенти Шавкат Мирзиёев Кыргызстанга мамлекеттик сапар менен келет. Бул тууралуу ТИМ башчысынын орун басары Айбек Артыкбаев Жогорку Кеңештин Эл аралык иштер, коргоо, коопсуздук жана миграция боюнча комитетинде билдирди.
Анын айтуусуна караганда, визиттин алкагында бир катар эки тараптуу документтерге кол коюу пландалууда.
«Ошондой эле кыргыз-өзбек чек арасы боюнча ратификациялык грамоталарды алмашуусу күтүлүүдө», — деди ал.
Белгилей кетсек, эки өлкөнүн ишкер чөйрөлөрүнүн ортосундагы байланышты чыңдоого багытталган кыргыз-өзбек бизнес-форуму өткөрүлөт.
