Мамлекеттик салык кызматынын Оштун Өзгөн району боюнча башкармалыгынын 63 жаштагы башчысы кармалды. Бул тууралуу УКМК билдирди.
Маалыматка ылайык, 2023-жылы райондук салык органынын кызмат адамдары салык төлөөдөн качуу боюнча коррупциялык схеманы аныкташкан. Бирок мекеме кызматкерлери аталган субъект менен кылмыштуу бүтүмгө келишип, милдеттүү болгон салык төлөмдөрүнүн суммасын атайылап азайтышкан.
Алардын аракеттеринен улам мамлекетке өзгөчө ири өлчөмдө материалдык зыян келтирилген. Шектүү «Кызмат абалын кыянаттык менен пайдалануу» беренеси боюнча айыпталууда.
