Бүгүн Өзгөн районунун Мырза-Аке айылында 60 орундуу жаңы заманбап оорукана ачылды. Бул тууралуу Курулуш, архитектура жана турак жай-коммуналдык чарба мамлекеттик агенттигинен билдиришти.
Иш-чарага министрлер кабинетинин төрагасы Адылбек Касымалиев катышты.
Жаңы оорукана заманбап стандарттарга ылайык курулган. Үч кабаттан жана эки блоктон турган имарат медициналык жабдуулар менен толук жабдылган. Бул жергиликтүү тургундарга көрсөтүлгөн медициналык кызматтардын сапатын жакшыртат.
Долбоор республикалык бюджеттин эсебинен ишке ашырылды.
