Өзгөндө мамлекеттик кызматкер пара алып жаткан жеринен кармалганын ИИМден билдирди.
Өзгөн районунун тургуну арыз менен кайрылган. Райондун финансы кредиттик фонддунун өкүлү «А» аттуу кызматкер арыздануучунун атасынын алган насыясы тууралуу документтерди сот органдарына өткөрүп берем деп коркутуп, пара талап кылган.
Бул кызматкер финансы кредиттик фонддун Өзгөн районундагы жетектөөчү адиси болуп иштеген жаран болуп чыкты. Ал кызматтык бөлмөсүндө 30 миң сом алып жаткан жеринен кармалды.
Учурда шектүү убактылуу кармоо жайына киргизилип, тергөө амалдары жүрүүдө.
