Өзгөндүн тургунун себепсиз сабаган уюшкан кылмыштуу топтун мүчөсү кармалды. Бул тууралуу ИИМдин басма сөз кызматы билдирди.
Маалыматка ылайык, Ош облусунун К.С. атуу жараны милиция кызматкерлерине кайрылып, 19-июль күнү болжол менен 19:00до Ош облусунун Өзгөн шаарынан белгисиз адамдар анын уулун себепсиз сабашып, денесине жаракаттарды келтиргендигин билдирген.
Бул факты боюнча топтолгон материалдар Кылмыштардын жана жоруктардын бирдиктүү реестрине катталып, Ээнбаштык беренеси менен сотко чейинки өндүрүш башталган. Натыйжада, 28-июль күнү Ош облусунун «Кара-Суу-Өзгөн» унаа жолунан шектүүлөрдүн бири 1993-жылы туулган Т.О. кармалып, буга чейин бир нече жолу соттолгону аныкталды.
Белгилей кетсек, алынган маалыматтар боюнча шектүү уюшкан кылмыштуу топтун мүчөсү катары ИИМдин ыкчам каттоосунда турат. Учурда Ош ШИИБдин убактылуу кармоочу жайына киргизилди.
