Өзгөндө оорукана өрттөнүп, бир адам жабыркап, 13 адам эвакуацияланды. Бул тууралуу ӨКМдин басма сөз кызматы билдирди.
Маалыматка ылайык, 12-январда Ош облусундагы Өзгөн шаарынын Манас көчөсүндөгү Өзгөн аймактык оорукананын аймагында жайгашкан жеке-менчик клиниканын жыгач устундуу шифер жабылган 150 чарчы метр чатыры жана 151 чарчы метр ички жасалгасы күйгөн.
«Өрттүн кесепетинен (1946-жылы туулган) эркек киши II даражадагы күйүк алган, абалы канаттандыраарлык. Ошондой эле клиниканын имаратынан 13 адам эвакуацияланган. Өрттүн себептери такталууда», — деп берилет маалыматта.
