Жүк ташуучу унаанын айдоочусун сабап жаткан Талас облустук ички иштер башкармалыгынын жол коопсуздугун камсыздоо кызматкери ээлеген кызматынан бошотулду. Бул тууралуу ИИМдин басма сөз кызматы билдирди.
Маалыматка ылайык, 26-апрелде социалдык тармактарда милиция кызматкери жүк ташуучу унаанын айдоочусун сабап жаткан видео жарыяланган. Бул факты боюнча ички иликтөө иштери жүргүзүлүп, анын натыйжасында, ИИМдин дисциплинардык уставын, ички кызмат тартибин (устав), профессионалдык этика кодексинин талаптарын одоно бузгандыгы үчүн жана компетентсиз жүрүм-турумунан, моралдык жана кесиптик сапаттарына коюлган талаптарга туура келбегендиги үчүн, коомчулукта резонанс жараткан Манас РИИБү боюнча ЖКККББнын инспектору милициянын капитаны М.М. ээлеген кызматынан бошотулду.
Андан тышкары, Манас РИИБү боюнча ЖКККББнын улук инспектору милициянын капитаны О.Н.ге “катуу сөгүш” тартиптик жазасы берилди.
