Чүйдүн Садовое айылында жүрөк үшүн алган жол кырсыгы каталды. Анын кесепетинен бир жаран каза болду.
«11-июнь күнү саат 06:30 чамасында Хонда Степ Вагон унаасы Ош-Бишкек унаа жолунан батыштан чыгышты көздөй бара жатып, Садовое айылында жолдун четинде токтоп турган Мерседес Бенц Спринтер үлгүсүндөгү унаасын артынан сүзгөн. Андан кийин Мерседес Бенц Спринтер үлгүсүндөгү унаа астында турган Форд Транзит үлгүсүндөгү унаасын сүзгөн. Жол кырсыгынын кесепетинен Мерседес Бенц Спринтер үлгүсүндөгү унаага жүк жүктөп жаткан жаран каза болгон. Ал эми Хонда Степ Вагон үлгүсүндөгү унаанын жүргүнчүсү Москва районунун ооруканасына жаракаттары менен кайрылган», — деди Чүй облустук жол кыймылынын коопсуздугун камсыздоо башкармалыгынан.
