Социалдык тармактарда беткапчан кишинин шымкенттик көп балалуу атага үй менен унаа берген видео тарады.
Маалыматка ылайык, буга чейин беткапчан бала ушул кишинин жашоосун баяндап берген. Армандын тагдыры көпчүлүктү ыйлаткан. Анын 5 баласы бар. Кичүү баласы тубаса жүрөк оорусу менен төрөлгөн. Арман өзү дагы экинчи топтогу майып, ал кырсыкка кабылып көп жерлерин сындырып алган. Кырсыкка жакында эле кабылган.
Мындай оор сыноого карабастан, өзү иштеп, үй-бүлөнү багат. Ал күнүнө 6000 теңгеге унааны ижарага алат. Аялы жана балдары менен бир бөлмөлүү батирди ижара алышкан.
Буга чейин бет капчан жаран үй-бүлөгө жардам көрсөтүп, баласынын операциясына керектелүүчү акчаны берген. Муну күтпөгөн ата ыйлап жиберген.
Учурда ал дагы видео жарыялап, дал ошол жаранга унаа менен үй белек кылганын билдирди.
Посмотреть эту публикацию в Instagram
