Жогорку Кеңеште мамлекеттик гимндин варианттарын тандап алуу үчүн депутаттык комиссия түзүлдү.
Депутаттык топтор комиссияга өз өкүлдөрүн дайындашты:
- «Адилет Кыргызстан» – Нуржамал Төрөбекова;
- «Ала-Тоо» – Бактыяр Калпаев;
- «Мекенчил» – Венера Салямова;
- «Элдик» – Улан Жаанбаев;
- «Ата-Журт» – Камила Талиева.
Депутат Камила Талиева гимн үчүн сунушталган 900 варианттын ичинен үчөө гана тандалып алынганын, бирок алар да азырынча жактырыла электигин белгиледи.
«Бул маселени коомдук талкууга алып чыгуу зарыл. Маселе абдан олуттуу. Жогорку Кеңештин алдында татаал милдет турат», — деп баса белгиледи ал.
Комиссиянын иши 2026-жылдын 1-июнуна чейин уланат.
