Келе жаткан жумада өлкө аймагында күтүлгөн аба ырайы тууралуу Кыргызгидромет маалымат берди.
3-сентябрдан 9-сентябрга чейинки божомолдо көпчүлүк аймактарда жаан-чачын болот.
Ал эми , Бишкекте 4 жана 7-сентябрда мезгил-мезгили менен жаан жаайт. Абанын температурасы 28 градуска чейин жылуу болот.
Чүй
3-4-5-сентябрда тоолуу райондордо жаан жаап, күн күркүрөшү күтүлөт, дыйканчылык аймактарда жаан-чачын күтүлбөйт. 6-сентябрда күн ачык болот. Ал эми 7-сентябрдан кайрадан жаан-чачын болушу мүмкүн.
Батыштан соккон шамалдын ылдамдыгы секундасына 4-9 метрден, 4-сентябрда күндүз айрым жерлерде 15-20 метрге жетиши күтүлөт.
Талас
3-сентябрда күн ачык болот. Анын эртеси көпчүлүк аймактарда жаан жаап, күн күркүрөшү күтүлөт. 5-8-сентябрда кайрадан күн ачылып, 9-сентябрда айрым жерлерде жаан жаашы мүмкүн.
Ош, Жалал-Абад
Апта ичи жаандуу болуп, 6-сентябрда гана күндүн көзү көрүнөт. Батыштан соккон шамалдын ылдамдыгы секундасына 4-9 метрден, 4-сентябрда күндүз айрым жерлерде 15-20 метрге жетет.
Баткен
Келерки жума жаан-чачындуу башталат. Бирок 5-8-сентябрда күн ачылып, 9-сентябрда тоо этектеринде жаан жаап, күн күркүрөшү күтүлөт.
Ысык-Көл, Нарын
Эки аймакта тең жаан жаашы күтүлүүдө, болгону 6-сентябрда Нарында күн ачык болот. Батыштан соккон шамалдын ылдамдыгы секундасына 4-9 метрден, 4-сентябрда күндүз айрым жерлерде жана 5-сентябрда түнкүсүн акваторияда 15-20 метрге жетиши күтүлөт.
