Актауда жергиликтүү тургун Назым Турсынова үч эм төрөдү. Алардын экөө уул жана бир кыз. Бул тууралуу Tengrinews.kz. жазып чыкты.
Маалыматка караганда, 3 эмдин бирөө тубаса жүрөк кемтиги менен төрөлүп, операция жасалган. Учурда анын ден соолугунун абалы тынчсыздандырбайт.
Келин 9 жылдан бери бала күтүп жүргөн.
«Үч эм төрөлөт деп ойлогон эмеспиз, бул чоң кубаныч. Төрөт ийгиликтүү өтүшү үчүн колдон келгендин баарын жасаган дарыгерлерге абдан ыраазымын жана үч балам менен үйгө чыктым. Бардык энелерге ушундай кубаныч каалайм», — деген ал.
