Күндүн ысыгында маска тагынуу коркунуч туудурбайт. Бирок ачык тийген күнгө чыкканда күңүрт түстөгү беткаптардан баш тарткан оң.
Бул тууралуу дүйнөлүк эскперттерге таянып «РИА Новости» басылмасы жазды.
Маалыматка ылайык күн ысыкта теринин зат алмашуусун толук камсыз кылуу үчүн дененин башка бөлүктөрү ачык бойдон калып, башты жука оромол менен күндөн коргоо жакшы.
Ошол эле учурда, ысык мезгилде маскаларды тез-тез алмаштырып туруу керек, анткени бат-бат нымдуу болуп, натыйжалуулугу төмөндөйт. Мындан тышкары, жай мезгилинде кара түстөгү беткаптарды колдонуудан баш тарткан жакшы деп жазылат.
Эске салсак, беткапты узак убакыт үзбөй тагынуунун да зыяндуулу бар. Андыктан ачык асман алдында, адамдар сейрек жайларда бет кап тагынбай жүрүүгө болот.
