Жайыл районунда тоголок жетим балдарга жер тилкелери берилди. Бул тууралуу Башкы прокуратура маалымдайт.
Маалыматка ылайык, ата-энесинен ажыраган 9 балага жер тилкелери бөлүнүп берилип, турак жай куруу үчүн жеке менчик укугун тастыктаган мамлекеттик актылар тапшырылды.
Белгилей кетсек, КРнын Балдар жөнүндө кодексинин 13-беренеси жана Турак жай кодексинин 43-беренесинин талаптарына ылайык, баланын турак жайга укуктарынын кепилдиктери турак жай мыйзамында каралган тартипте камсыз кылынат, жашоо үчүн турак жайы жок жетим балдар 16 жашка чыкканда, мыйзамда белгиленген тартипте, пайдалануу укугунда турак жай аянтын кезексиз алуу кепилдиктери каралган.
