Жайыл районунун тургуну Давлатбек Жалилов айлык акысын ала албай жатканын билдирип, биздин редакцияга кайрылды. Анын айтымында, алар канал курушуп, май айында бүткөн. Бирок жетекчилик аларга айлык маянасын бербей жатышат.
“Мен, Жалилов Давлатбек Канатович Жайыл районунун тургуну, ушул райондун башкаруучусу Райымкулов Мелис Өмүркулович менен келишим түзүп, петропавловка каналын куйуп бүтүрдүк. Бүткөнүбүзгө 25 күн болду айлыгыбызды бере элек. Иштин башында акча которулган, даярберебиз дешкен. Бирок, азыр акча жок деп телефон чалсак албай жатат. Ушул жылдын апрель айында баштаганбыз, майда бүттүк. Ошондон бери иштеген маянабызды ала элекпиз”,-деди ал.
