Бүгүн күндүз көпчүлүк аймактарда жаан жаап, күн күркүрөшү, тоолуу райондордо кар жаашы күтүлөт. Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет. Бул тууралуу Кыргызгидромет кабарлады.
Абанын температурасы Чүй, Ош, Жалал-Абад облустарында +17…+22, Талас аймагында +15…+20, Баткенде +16…+21, Ысык-Көл жана Нарын өрөөндөрүндө +14…+19 градус жылуу болот.
Борбор калаада жана Ош шаарында мезгил-мезгили менен жаан жаап, күн күркүрөп, Бишкекте +19…+21, Ошто +20…+22 градус жылуу болору болжолдонду.
