Жакында детектив элементтери бар «Жалбыз» аттуу 36-бөлүмдөн турган сериал старт алат. Бул тууралуу Жеңишгүл Өзбекова Facebook баракчасы аркылуу кабарлады.
Анын айтымында, сериалдын биринчи сезону аяктап, монтаж иши жүрүп жатат.
«Жанры боюнча социалдык драма, детективдик элементтери да арбын. Сүйүү-күйүү, ак-кара, адал-арам, чындык-жалган, ачуу-таттуу… бу турмушта эмне болсо баары бар, эми сериалдын табигаты ушундай эмеспи. Бу жолу да “эришим элден, аркагым желден” болду. Бир кудайдын жардамы жана кудай себепчи кылган алаканы ачык, жоомарт ишкерлердин, жеке инсандардын колдоосу менен “Жалбыздын” 12 сериясын жалпы телекөрүүчүлөрдүн назарына сунуш кыла турган күн да алыс эмес», — деп жазган.
