Бүгүн 5-августа Жалал-Абад ОИИБдин имаратында ИИМдин буйругунун негизинде кызматка дайындалган жана атайын наам алган кызматкерлер өздүк курамга тааныштырылды.
ИИМдин буйругуна ылайык, Жалал-Абад ОИИБдин башчысынын ыкчам иштер боюнча орун басары милициянын подполковниги Сагынбек Асанбековго кезектеги милициянын полковниги атайын наамы ыйгарылды.
Ошондой эле, милициянын кенже лейтенанты Улукбек Сулайманов Жалал-Абад ОИИБдин Басма сөз кызматынын улук инспектору кызматына дайындалды.
Кызматка дайындалган жана атайын наам алган кызматкерлерди Жалал-Абад ОИИБдин башчысынын орун басары милициянын полковниги Зарылбек Раимкулов куттуктап, иштерине ийгиликтерди каалады.
Эскерте кетсек, мурдагы Жалал-Абад ОИИБдин Басма сөз кызматынын улук инспектору милициянын полковниги Нурдин Жээнтаев Кыргыз Республикасынын укук коргоо органдарында кызмат өтөө жөнүндөгү мыйзамына ылайык ардактуу эс алууга жиберилди.
