7-майга караган түнү катуу жааган жамгырдан улам Жалал-Абад шаарындагы мекеме ишканалардын, жеке турак үйлөрдүн короолорун суу каптаган. Бул тууралуу ӨКМ кызматы билдирди.
«6-майдан 7-майга караган түнү катуу жааган жамгырдан Сел-Арык каналынын кээ бир жерлеринен суу ашып кетип, шаар ичиндеги айрым мекеме-ишканалардын, турак үйлөрдүн короо жайын суу каптаган.
Учурда жогорудагы суу каптаган даректер боюнча тиешелүү иштер жүргүзүлүп, мекеме-ишканалардын, үйлөрдүн короолорундагы сууну сордуруу жана кээ бирлерин кайрадан суу каптабаш үчүн бөгөт коюлууда», -деп билдирет ӨКМ кызматынын маалымат катчысы.
