Коронавирус оорусунун күчөшүнө байланыштуу Жалал-Абад шаарында бир катар чектөөлөр киргизилди. Бул тууралуу Жлал-Абад шаардык ыкчам штабынын отурумунда кабыл алынды.
Маалыматка ылайык, 1-июлдан тартып Жалал-Абад шаарындагы тойканалар ишмердүүлүгүн токтотот. Ошондой эле той-аш, эскерүү жана майрамдык иш-чараларды өткөрүүгө да тыюу салынды. Мындан сырткары, менчигинин түрүнө карабастан шаардагы базарлар бир күнгө жабылып, дезинфекциялоо жүргүзүлөт.
Ошондой эле бардык мекеме-ишканалар, коомдук транспорттор, супермаркеттер, тамактануучу жайлар беткап жана антисептик колдонуу менен келген жарандардан да талап кылууга милдеттендирилди.
Эскерте кетсек, жогорудагы талаптардын аткарылышын көзөмөлдөө үчүн тынымсыз рейддер өткөрүлүп, мыйзам чегинде чаралар көрүлүп, айыппул салынат.
