Жалал-Абадда жашы жете элек кызды уурдоо фактысы боюнча кылмыш иши козголду. Бул тууралуу ИИМден билдирди.
15-августта милицияга жаран арыз менен кайрылган. Анда ушул эле күнү болжол менен саат 11:00 чамасында 2015-жылы туулган кызы үйүнөн чыгып кеткен бойдон дайынсыз болуп жаткандыгын билдирген. Ошол күнү кечки саат 18:30 чамасында кызы Кара-Суу районунан табылып, ата-энесине жеткирилген.
Бул факты боюнча «Адам уурдоо» беренеси менен кылмыш иши козголуп, 1983-жылы туулган жаран кармалган. Учурда тергөө амалдары жүрүүдө.
