Жалал-Абад шаарында жаш өспүрүм сууга чөгүп каза болду. Бул тууралуу Жалал-Абад ОИИБден билдиришти.
Маалыматка ылайык, 25-июль күнү болжол менен саат 18:00 чамасында Жалал-Абад областык ооруканасынын жаш балдар бөлүмүнүн дарыгери тарабынан милицияга маалымат түшкөн. Анда Жалал-Абад шаарынын тургуну 9 жаштагы бала бассейндердин биринде сууга түшүп жатып кокусунан сууга чөгүп каза болгонун билдирген.
Бул окуя боюнча милиция тарабынан каза болгон баланын жансыз денесине Жалал-Абад областык ооруканасынын, Жалал-Абад шаардык прокуратурасынын прокурорунун орун басары жана атасынын катышуусунда сырттан кароо жүргүзүлгөн. Маркумдун атасы бул боюнча арыз жазуудан жана медициналык соттук экспертиза өткөрүүдөн баш таркан.
Аталган факты маалыматтардын электрондук каттоо журналына «кокустук» деп катталып, учурда териштирүү иштери жүрүүдө.
