Жалал-Абадда эс алуу жайындагы аттракциондон бала менен кыз кулап түшкөн. Бул тууралуу Жалал-Абад ШИИБнын басма сөз кызматы билдирди.
Маалыматка ылайык, 16-апрель күнү саат 23:55 чамасында Жалал-Абад шаарынын «Жеңиш» эс алуу жайындагы аттракционго Сузак районунун 1997-жылы туулган бала жана 2004-жылы туулган кыз ойногону чыгышкан учурда отургуч сынып кетип, жыгылып түшүшкөн.
Жабырлануучулар денелеринен жараат алып, Жалал-Абад облустук ооруканасына жаткырылган.
Бул окуя Жалал-Абад ШИИБдин Кылмыштардын бирдиктүү реестерине “Кокустук” болуп катталган.
Учурда териштирүү иштери жүрүп жатат.
