Жалал-Абадда коронавирус жана пневмонияга кабылгандардын саны өсүп, ооруканалар толгондуктан күндүзгү стационарлар ачылат. Бул тууралуу Жалал-Абад облусундагы өкүлчүлүгүнүн маалымат кызматы билдирди.
Маалыматка ылайык, оору жуктургандардын саны өскөндүктөн, Ноокен жана Аксы аймактык ооруканаларында жугуштуу илдеттер бөлүмдөрү ачылган. Ал жакта Ноокен, Базар-Коргон, Майлуу-Суу, Аксы, Ала-Бука, Чаткал, Таш-Көмүрдүн тургундары дарыланып жатат.
«Оорукананын 65 орунга ылайыкташкан жугуштуу илдеттер бөлүмүндө учурда 61 бейтап дарыланууда. Алардын ичинен сегизинин абалы өтө оор болсо, 35и кычкылтек концентраторунун жардамы менен дем алууда. 348 адам үй шартында дарыланып жатат», — деп айтылат маалыматта.
Эскерте кетсек, Ызабеков коомдук транспорттогу жүргүнчүлөрдүн санын кыскартуу, санитардык талаптардын сакталышын көзөмөлдөө зарылдыгын айткан.