Кечээ, 14-июнда Ош-Бишкек жолунда жол кырсыгы катталып, май куюучу унаа оодарылып кеткен. Кырсыктын кесепетинен жабыркагандар катталган жок.
Кырсык Ош – Бишкек жолунун 497-чакырымында, Ноокен райондук Бүргүндү айыл аймагында катталган.
Өзгөчө кырдаалдар министрлигинин басма сөз кызматы билдиргендей, окуя болгон жерге Майлуу-Суу шаарынын №83 өрткө каршы кызматынын 1 өрт өчүрүү бригадасы келген. Андан тышкары, иш-чара Жол кыймылынын коопсуздугун камсыздоо башкармалыгынын кызматкерлери менен биргеликте жүргүзүлгөн.
