2024-жылдын 10-декабрь күнү “С” аттуу жаран облус аймагында жарандардан опузалап коркутуп, акча чогултуп жүргөндүгү боюнча маалымат түшкөн.
«Козголгон кылмыш ишинин алкагында, шектүү катары 1994-жылы туулган Сузак районунун Т.А. аттуу жараны кармалып, 16-январь күнү Сузак РИИБдин убактылуу кармоочу жайына киргизилген. Шектүү жарандын уюшкан кылмыштуу топтун мүчөсү катары каттоодо тургундыгы жана мурда соттолуп чыккандыгы маалым болгон»,- дешти Жалал-Абад ОИИБдин басма сөз кызматы.
Жалал-Абад шаардык соту тарабынан баш коргоо чарасы тандалып алынып, 25-февралга чейин камакка алынды. Учурда тергөө амалдары жүрүп жатат.
