Жалал-Абадда сойкулук менен алектенген 30 жана 23 жаштагы кыздар аныкталды. Бул тууралуу Жалал-Абад ОИИБдин басма сөз кызматы билдирди.
26-февраль күнү милицияга Жалал-Абад шаарындагы көп кабаттуу үйлөрдүн биринде, массаж жасоого кызмат көрсөтөбүз деп сойкулук менен алектенүүгө көмөскө жай уюштуруп, сойкулук менен алектенип жүргөндүгү тууралуу маалымат келип түшкөн.
Аталган маалымат «Сойкулукка жана ыпластыкка көмөктөшүү» беренеси менен катталып, кылмыш иши козголгон.
Шектүү катары Ала-Бука районунун 1995-жылкы С.кызы Ж. жана Ноокат районунун 2002-жылкы Б.Х. аттуу тургундары аныкталган.
Тергөө амалдарынын жүрүшүндө бирөө 2012-жылдан бери, экинчиси 2023-жылдан бери сойкулук менен алектенип келишкендиги маалым болгон. Учурда тергөө амалдары жүрүп жатат.
Посмотреть эту публикацию в Instagram
