Жалал-Абад шаарында жалган ишкерлик менен алектенген жарандар кармалды. Бул тууралуу УКМКнын басма сөз кызматы билдирди.
Маалыматка ылайык, Жалал-Абад облусунун аймагында салык төлөөчү катары катталган субъектилердин ишмердүүлүгүн талдоо учурунда, болжолдуу түрдө товарларды жана кызмат көрсөтүүлөрдү иш жүзүндө жеткирбестен эсеп-фактуралар жазылган шектүү иштер такталган.
Аталган факты боюнча Жалал-Абад шаарынын тургундарына карата, Кылмыш-жаза кодексинин 220-беренесинин 2-бөлүмү (жалган ишкерлик) боюнча кылмыш иши козголгон.
Ыкчам-издөө иштеринин жүрүшүндө жалган фирмалардын иш жүзүндөгү жана жасалма жетекчилери кармалып, алардын мыйзамсыз иш-аракеттери аныкталды.
Учурда бул фирмаларга кандай кошумча салыктар алынганы туралуу салыктык текшерүүлөр дайындалып, тергөө иштери уланууда.
