Садыр Жапаров кезектеги маегинде Камчыбек Ташиев менен болгон мамилеси тууралуу айтып берди.
«Биринчиден, экөөбүз эч качан урушпайбыз. Урушканга мен жол бербейм.
Экинчиден, «бийлик талашып атат» деген калп сөз. Мен кандай буйрук берсем, дал ошондой кыйшаюусуз аткарат. Анткени мен жеке кызыкчылыгым үчүн кандайдыр бир иш жөнүндө буйрук бербейм. Бир гана мамлекеттин кызыкчылыгы үчүн болот.
Үчүнчүдөн, экөөбүздү уруштура албай эки жылдан бери түн уйкусу жок иштеп жаткан топтор бар. Баарын билебиз. Алар «Ташиев кадр чечип атат. Ташиев президент болгусу келип атат» дей беришсе эле мен аларга ишенип, кызганып Ташиевди кызматтан ала коймок белем. Мен бийликте канча олтурсам, Ташиев дагы ошончо олтурат. Эң негизгиси мамлекеттин, элдин кызыкчылыгына каршы келген иштерди жасабасак болду»,-деди ал.
