2021-жылдын 13-январында Кызыл-Кыя шаарынын 33жаштагы тургунун колундагы телефонун жана банктык карточкасын, айдоочулук күбөлүгүн, жарандык паспортун күч колдонуп тартып алып, белгисиз жакка изин жашырып кеткен жаран кармалды. Бул тууралуу Баткен ОИИБнын Басма сөз кызматы билдирди.
Бул факты Кызыл-Кыя ШИИБнин КЖБРне Жазык кодексинин 201-беренеси (тоноо) менен катталып, сотко чейинки өндүрүш иши башталган.
«Кызыл-Кыя ШИИБнин ыкчам кызматкерлери 1-февраль күнү Ош шаарынан Ош облусунун Кара-Суу районунун 18 жаштагы Х.Д. аттуу тургунун аныктап кармап келишкен. Азыркы күндө тергөө иштери жүрүп жатат», — деп берилет маалыматта.
