Жалган, жасалма номур менен унаа башкарган айдоочуга 20 миң сом айып салынды. Бул тууралуу ЖКККББнын басма сөз кызматы билдирди.
Ош шаарында кайгуул кызматкерлери тарабынан “BMW” үлгүсүндөгү авто унаа жол эрежесин бузгандыгы үчүн токтотулган.
Текшерүү учурунда 1983-жылы туулган Р.А. аттуу айдоочу унаасына жалган, жасалма номурду тагып айдап жүргөн жана жанында тийиштүү документтери жок болгон.
Бул факты боюнча унаасы айып короо жайына токтотулуп, айдоочуга айып салынды.