Жаш экоактивист Грета Тунберг немис полициясы тарабынан кармалды. Кыз климатты сактоо жана өлкөнүн экологиялык технологияларына өкмөттүн өтүүсү үчүн көмүр казуучу карьердин курулушуна каршы эко-акция уюштурган.
Германиянын полициясы Батыш Германиянын кароосуз калган Люцерат шаарында көмүр кенин кеңейтүүгө каршы демонстрацияга катышкан швециялык активист Грета Тунбергди кармады.
RWE энергетикалык компаниясы Гарцвайлер көмүр кенин кеңейтүү үчүн бул жамааттагы үйлөрдү бузууну пландаштырууда.
Полиция өкүлдөрүнүн Рейтер агенттигине билдиришинче, Тунберг башка демонстранттар менен бирге Люцераттан 9 чакырым алыстыкта жайгашкан шахтанын четине чуркап барган. Полициянын маалыматына караганда, митингчилердин бири карьерге секирип кеткен.
Немис полициясынын өкүлдөрү кийинчерээк Би-Би-Сиге билдиришкендей, Грета камакка алынган эмес, ал өздүгүн текшерүү үчүн гана кармалган, андан кийин ал бошотулат.
Полиция ошондой эле кармалган митингчилердин ким экени аныкталгандан кийин эч кандай айыпсыз бошотуларын түшүндүрдү.
Немис бийликтери 2030-жылга чейин көмүрдү колдонуудан толук баш тартууга ниеттенүүдө. Экологиялык активисттердин айтымында, көмүрдү колдонуу өкмөттүн экологиялык технологияларга өтүү планын жокко чыгарат.
Люцерат чөлкөмүндө жыл сайын 25 миллион тонна лигнит өндүрүлөт, бул эң төмөн сапаттагы күрөң көмүрдүн суусу жогору сортторунун бири.
Тургундар таштап кеткен шаарча RWE энергетикалык компаниясына таандык. Фирма үйлөрдү тез аранын ичинде бузуу керектигин, анткени мурдагы конуштун астына көмүр быйылкы кышта керек экенин айтууда. Люцерат тарыхтагы Гарцвайлер кенинде көмүр казуу үчүн бузула турган акыркы конуш болот деп күтүлүүдө.
Ишембиде бул жерде ири нааразылык акциясы болуп, ага полициянын маалыматы боюнча 15 миңдей адам катышкан. Уюштуруучулардын айтымында, 35 миң демонстрант карьерди кеңейтүүгө каршы нааразылык акциясына чыгышкан.
Грета Тунберг — нааразычылык акциялары жана Time журналынын «Жылдын адамы-2019» (тарыхтагы жылдын эң жаш адамы) менен атагы чыккан эко-активист.
Ал дайыма эл аралык жайларда сөз сүйлөп, экологиялык жактан таза транспорт түрлөрү менен гана саякаттоого аракет кылганы менен белгилүү.https://fb.watch/i7GE58R18q/
