Бишкекте 19 жаштагы жигит оңой акча табуунун айынан кылмыш жоопкерчилигине тартылды. Ал банктык картасын жана интернет-банкингге кирүү мүмкүнчүлүгүн белгисиз адамга сатып, алдамчылыкка аралашып калган.
Натыйжада алдамчылар криптовалюта сатуу шылтоосу менен 850 миң сом алып качышкан. Бул факт — Кыргызстанда жаңы берененин негизинде козголгон биринчи кылмыш иши.
Азыр шектүүгө электрондук көзөмөл чарасы тандалды. ИИМ эскертет: SIM-картаны же банк картасын сатуу — майда көрүнгөнү менен чоң жоопкерчилик алып келет. Жаштардын «жеңил акча» деген азгырыгы кылмышка түртүп, эркиндигинен ажыратуусу мүмкүн.
