Россиядан Бишкек Жылуулук электр борборундагы (ЖЭБ) өзгөчө кырдаалдын себептерин аныктоого көмөктөшө турган адистер келет. Бул тууралуу Министрлер кабинетинин төрагасы Акылбек Жапаров ыкчам штабдын жыйынында билдирди.
Ал жыйындын жүрүшүндө Өзгөчө кырдаалдар министрлигине ЖЭБди калыбына келтирүү иштерине тартылган курулушчулардын коопсуздугун камсыздоону тапшырды.
Ошондой эле, ЖЭБдин толук кандуу иштешин үзгүлтүккө учураткан өзгөчө кырдаалдын кесепеттерин жоюу боюнча калыбына келтирүү иштеринин жүрүшү тууралуу тиешелүү мамлекеттик органдардын маалыматы угулду.
