Өлкөдөгү 7 ири суу сактагычта үч жылга балык кармоого тыюу салуу сунушталууда.
Айыл чарба министрлиги Токтогул, Базар-Коргон, Киров, Күрп-Сай, Шамалды-Сай, Таш-Көмүр жана Үч-Коргон суу сактагычтарында балык азайганын жазган. Мындан улам аталган жерлерде балык уулоого үч жылдык мораторий сунушталган. Бул учурда чабактар коё берилип, балыктын санын көбөйтүү мерчемделүүдө.
Ошондой эле Күрп-Сай, Шамалды-Сай, Таш-Көмүр суу сактагычтарын байырлаган Кызыл китептеги ит мурун (туркестанский усач) балыгына өзгөчө кам көрүү керектиги белгиленген.
