Жогорку Кеңештин төрагасы Нурланбек Шакиев парламенттин тийиштүү комитеттеринин төрагалары менен жолугушту. Анда ал депутаттардын негизги милдеттеринин бири мыйзам чыгаруу ишмердүүлүгү, мыйзамдык базаны өркүндөтүү экенин айтты.
«Депутаттар мыйзам долбоорлорун демилгелөөгө жана иштеп чыгууга активдүү катышуусу керек. Анткени, эл өкүлү катары жарандар менен тыгыз байланышта болуп, калктын бардык көйгөйлөрүн жакшы билишет. Ошол эле учурда кабыл алынган мыйзамдардын бир топтун эмес, бүтүндөй Кыргызстандын кызыкчылыгына кызмат кылгандай сапатына өзгөчө көңүл буруу керек» — деди ал.
Ошондой эле ал министрлер кабинети ар бир маселени Жогорку Кеңештин кароосуна коюуда бардык тиешелүү документтерди алдын ала бериши керектигин белгилеп, бул жаатта кемчиликтер бар экенин кошумчалады.
