Буга чейинки Ички иштер министрлигинин бөлүктөрү арасында өткөрүлгөн таяк тартыш спорт түрү боюнча Азия чемпиондугун алышкан спорт чеберлери жана КМШ өлкөлөрүнүн арасында жол кыймылынын жаш тескөөчүлөрү эл аралык кароо-сынактарын өткөрүүдө уюштуруучулук жардамын көрсөтүшкөн кызматкерлер ИИМдин ЖКККББнын атынан Ардак грамоталар, ыраазычылык каттар менен сыйланышты.
Сыйлыктарды Жол кыймылынын коопсуздугун камсыздоо башкы башкармалыгынын башчысы милициянын полковниги Жеңишбек Джоробеков тапшырып, жалпы жол коопсуздугун камсыздоодо өздүк курамдын аткарган ак кызматына ыраазычылыгын билдирип, бекем ден-соолук, үй-бүлөлүк бакыт жана кызматтык ийгиликтерди каалады.
