Бүгүн, 20-сентябрда Россиянын Пермь мамлекеттик изилдөө университетинде ок атылып, 8 киши каза болду. Алардын ичинен оор жаракат алгандар да бар. Бул тууралуу маалыматты Тергөө комитетинин өкүлү Светлана Петренко билдиргенин РИА Новости жазып чыкты.
Маалыматка ылайык, ок чыгарган жаран кармалган. Ал аталган окуу жайдын студенти экени маалым болгон.
Окуу жайдан октун үнү чыгып жатканы тууралуу маалымат милицияга бүгүн эртең менен түшкөн. ИИМ полиция кызматкерлери окуя болгон жерге дароо чыгып кетишкен.
Университет жетекчилиги социалдык тармактардагы баракчалары аркылуу студенттерди эшиктерди жаап, көчөгө чыкпоого чакырды.
