Жогорку соттун төрайымынын милдетин аткаруучу Нургуль Бакирова кыргызстандыктарды Нооруз майрамы менен куттуктады. Бул тууалуу Жогорку соттун басма сөз кызматы билдирди.
«Урматтуу кыргызстандыктар!
Сиздерди элибиз сүйгөн эң байыркы Нооруз майрамы менен чын жүрөктөн куттуктайм!
Эзелтен Нооруз – жылдын жаңырышынын, сабырдуулуктун, өз ара түшүнүшүүнүн, кубанычтын, тазалануунун, мээримдүүлүктүн, терең ишенимдин жана ынтымакты чыңдоонун майрамы.
Нооруз майрамы бизге дем берип, жакшы тилектерибиз, асыл максаттарыбыз ишке ашсын. Элибизге ынтымак жана биримдик, мамлекетибизге молчулук жана береке тартууласын!
Бул күндө үйүбүзгө кут конуп, ишибизди ийгиликтер жылоолоп, ынтымак-ырашкерлик коштоп, аманчылык жана тынчтык болсун», — деп жазылат куттуктоодо.
