Улан Акматбеков “Жол фондунун”, Кадырбек Нурмамбетов “Кыргызавтожол” мамлекеттик ишканасынын, Таалайбек Ашымбеков “Кыргызжолтрансдолбоор” долбоорлоо-изилдөө институту” мамлекеттик ишканасынын жетекчиси болуп дайындалды. Бул тууралуу Министрлер кабинетинин басма сөз кызматы билдирди.
Белгилей кетсек, кечээ, 1-февралда Жогорку Кеңеште «Жол фондун» түзүүнүн шарты, анын жол-жобосу камтылган мыйзам долбоору боюнча жыйын болуп, долбоор Кыргызстандын аймагында жол тармагын өнүктүрүү үчүн каржылык ресурстарды түзүүгө багытталган.
Анын негизги максаты жол тармагынын иштешинин финансылык базасын чыңдоо жана жол тармагын өнүктүрүүгө жана тышкы карызды тейлөө экени айтылган.
Эскерте кетсек, январь айында Транспорт жана коммуникациялар министрлигине караштуу «Жол фонду» түзүлгөн.
