Буга чейин социалдык тармактарда айдоочулук күбөлүктүн ичине 200 сом салып, жол тескөөчүгө берген видео тараган. Бул видео боюнча ИИМдин жол кыймылын көзөмөлдөө башкармалыгынан түшүндүрмө беришти.
«Ал видео эски, 2023-жылдын 24-февралында тараган. Ошол учурда эле, бул кызматкерлерге карата ИИМдин Ички ички иликтөө кызматы тарабынан кызматтык иликтөө иштери жүргүзүлүп, баардык топтолгон материалдар юридикалык баа берүү үчүн Сокулук районунун прокуратурасына жөнөтүлгөн. Урматтуу жарандар жана жарандык активисттер такталбаган маалыматтарды таратпоого чакырабыз. Биз баарына ачыкпыз. Эгерде мыйзамга каршы терс көрүнүштөр болсо, биздин расмий баракчага фото, видео материал менен түз жөнөтүңүздөр. Баарына кызматтык иликтөө иштери жүргүзүлүп, жооптору берилет» — дешти ЖКККББдан.